Nils Sletta kjem frå Tuddal i Telemark, og er skodespelar og hardingfelespelemann. Han vann Landskappleiken i hardingfele fyrste gong i A-klassa saman med Kjetil Løndal i 1964. Han har elles vore med på mange kappleikar og vann mellom anna ein fyrstepremie på jubileumskappleiken i Bø i 1988. Kenneth de Gala frå Kongsberg starta å lære hardingfelespel hjå Anne Svånaug Blengsdalen som 10-åring. Som Kongsberg-spelemann står han med ein fot i Telemarkstradisjonen og ein fot i Numedalstradisjonen, og gav i 2011 ut CD-en ”Spursmann” med slåttar til dans frå begge områda. Kenneth har òg utmerkt seg med pris for beste dansespel på Landskappleiken 4 gonger!
Konsertstart kl 20.00.
