Slik melder du deg på kurs
Finn kurset du er interesert i på kurslista og fyll ut påmeldingsskjema. Det er bindande påmelding.
Ikkje vent for lenge med å melde deg på! Dei mest populære kursa blir fort fulle. Påmeldingsfrist er 4 veker før fyrste kursdag. Dersom det er ledige plassar, tek vi imot påmelding fram til kursstart.
Kursavgift 2025:
3-dagarskurs: 5400
6-dagarskurs: 8500
Lafting med rundtømmer (14 dagar): 17000
Enkelte kurs har eit anna beløp på kursavgift, sjå i kurskatalogen for kvar kurs.
Når startar kursa og når sluttar dei?
Det er fellesmøte kl. 15.15 fyrste kursdagen med felles informasjon for alle. Deretter er det undervisning med lærar frå kl. 15.30-18.00. Dei resterande dagane er det undervisning kl. 08.30-16.00, og du kan arbeide på verkstaden fram til kl. 22.00 på kvelden. Kursa avsluttar kl. 12.00 siste dagen. Dette gjeld både dei som skal på kortkurs og dei som skal på langkurs.
Kortkurs begynner torsdag og varar til sundag (4 -dagars kurs).
Langkurs varar frå mondag til sundag (6-dagars kurs).
4- dagarskursa har 21 timar undervisning og 6-dagarskursa har 40 timar undervisning.
Kva dekker kursavgifta?
Kursavgifta dekker kurs og verkstad. På nokre kurs må du rekne med materialkostnader. Informasjon om materialkostnader finn du på kurssida til det aktuelle kurset.
Informasjon om overnatting og mat finn du litt lenger ned på sida.
Avmelding
Påmeldinga er bindande. Dersom du ikkje kan delta på kurset du har meldt deg på, er det viktig at du sender skritfleg avmelding til [email protected], så snart du veit at du ikkje kan delta.
Du betalar eit depositum á kr. 950,- ved påmelding til kurs. Angrefrist er 14 dagar med refusjon av depositumet. Etter dette vil ikkje depositumet bli attendebetalt ved avbestilling.
Avmelding til kurset 30 dagar eller mindre, før kursstart, må heile kursavgifta, og bestilt opphald med fullpensjon eller matpakker bli betalt. Det gjeld uansett grunn, også sjukdom.
Dersom Raulandsakademiet må avlyse eit kurs er ikkje dette gjeldande.
Generell informasjon
- Det er ikkje tillate med hund i kursvekene.
- Eigne prisar for overnatting og matpakker når det er kurs.
10% rabatt på kursavgifta?
Meld deg på kurs før 1. mars og få 10% rabatt! Gjeld også påmelding før 1. juni til haustkurs.
Rabatt får også medlemmar i:
- Rauland Husflidslag eller eit anna lokalt husflidslag: www.husflid.no
- Kunst i Skolen: www.kunstiskolen.no
- Kunst og design i skolen: www.kunstogdesign.no
- Musikk i Skolen: www.musikkiskolen.no
- Norsk knivforening: www.norskkniv.no
Kven kan melde seg på kurs?
Kursa er opne for alle som er interessert og 12år og oppover.
Gåvekort
Du kjenner sikkert nokon som hadde hatt glede av å få eit kurs i gåve, og då kan du bestille gåvekort! Ta kontakt med oss på e-post: [email protected]. Vi treng namn på den heldige, kor gåvekortet skal sendast og kven som skal betale.
Tips ein venn.
Kjenner du nokon som du trur ville setje pris på å få ein kurskatalog? Ring oss eller send oss ei melding med namn og adresse, så sender vi katalogen i posten.
Overnatting og mat
Du kan bestille overnatting og mat på Raulandsakademiet, og det kostar 1595 per døger for kursdeltakarar (kurspakke). Det blir servert 4 måltid per dag: Frukost, lunsj, ettermiddagskaffi/-måltid og middag.
Raulandsakademiet er ope for overnatting heile året og er medlem i Norske Vandrerhjem. Det er 49 rom fordelt på enkeltrom, enkeltrom med sovesofa, tomannsrom og nokre familierom – alle med dusj og toalett.
Bur du heime eller på hytta under kurset, kan du bestille måltidspakke:
3 dagar:
Lunsj og ettermiddagskaffi: kr 780,-
Lunsj, ettermiddagskaffi og middag: kr 1605,-
6 dagar:
Lunsj og ettermiddagskaffi: kr 1620,-
Lunsj, ettermiddagskaffi og middag: kr 3270,-
14-dagar:
Lunsj og ettermiddagskaffi: kr 3580,-
Lunsj, ettermiddagskaffi og middag: kr 7155,-
Fritidsaktivitetar
Det er undervisning fram til kl. 16. Etterpå kan du arbeide på verkstaden eller nytte tida til andre fritidsaktivitetar; yoga, fjelltur, bading i Totak, fisking, padling, ridetur eller du kan vitje ei av kunstutstillingane i distriktet. Sjå oversikt over fritidsaktivitetar og forslag til turar på www.visitrauland.com
Lurar du på noko?
Send oss e-post til [email protected] eller ring oss på tlf. 35 07 32 92
Raulandsakademiet AS, Akademiet 2, 3864 Rauland
Tlf.: 35 07 32 92
