Konsert: The Nordic Fiddlers Bloc

Då Kevin Henderson (Shetland), Olav Luksengård Mjelva (Noreg) og Anders Hall (Sverige) møttest for første gong i 2009, oppstod ein heilt særeigen klang – eit samspel som framleis ber trioen fram, meir enn femten år og rundt 700 konsertar seinare.
The Nordic Fiddlers Bloc er i dag rekna som ein av dei fremste kammerfolkegruppene i Norden. Med fele, hardingfele, oktavfele og bratsj skapar dei eit stort og nyansert lydbilete som ofte blir samanlikna med eit strykekvartettuttrykk – intenst, presist og fullt av energi. Musikken spring ut av dei rike tonetradisjonane frå Shetland, Sverige og Noreg, men blir forma i eit tett og lyttande samspel der kvar frase er meisla fram med stor omsut.

Trioen har gjeve ut tre kritikarroste album: The Nordic Fiddlers Bloc (2011), Deliverance (2016) og Bonfrost (2020). Særleg Bonfrost markerte ei vidare fordjuping i trioformatet, med både felles arrangement og soloinnslag som løftar fram dei ulike tradisjonane og spelemåtane kvar for seg. Anerkjenninga har vore stor, mellom anna ein Spellemannpris i folkemusikk og plass på Songlines Magazine si “Top of the World”-liste.

The Nordic Fiddlers Bloc har spela på sentrale festivalar og konsertscener verda over, mellom anna Celtic Connections, Celtic Colours på Cape Breton og Tønder Festival, og samarbeider jamleg med musikarar frå både jazz- og kunstmusikkfeltet.
Som dedikerte tradisjonsberarar og formidlarar står dei òg bak

The Nordic Fiddlers Bloc Fiddle Camp, ein årleg internasjonal felecampsamling som i august 2026 blir arrangert i Seljord. Samstundes arbeider trioen vidare med nytt repertoar og nye prosjekt, i stadig søking etter det neste musikalske møtestaden mellom tradisjon, klang og fellesspel.

Velkomen til konsert!

Konserten er i Årestoga ved Raulandsakademiet
Inngang 300,- / 150,- studentar
Kro og dans i Gardsjordstoga etter konserten

Billettar i døra eller her: eBillett: Nordic Fiddlers Bloc