I Egners fotefar: Svalastoga med Alf Seltveit

Somrane 1940 og 1944, var Thorbjørn Egner i Rauland. Han sykla rundt og teikna dei største gardane i bygda og skreiv smått og stort han fekk fortald av folk som budde der.  Boka Gamle hus i Rauland kom ut i 1945, og i 2025 stod Rauland Historielag for eit nytt opplag i samråd med etterkomarane til Egner.

På ettermiddagsturane våre i 2026, vil vi gå i nokre av fotspora til Thorbjørn Egner.

16. juni klokka 17.00 er det Nesland som står for tur, og vi besøker Svalastoga. Garden der Sveinung Svalastoga vaks opp og seinare dekorerte så fint. I Egners bok blir garden skildra som at den er «tatt ut av eventyret og får en mest til å tenke på gode, gamle dager, den gang folk kunne pynte og stelle med et loft eller en sval i flere generasjoner for å få det så gjevt som mulig».  Til sommaren blir det særutstilling av Svalastoga sine arbeid på Dyre Vaa-samlingane og i den samanheng kjem boka om raulandskunstnaren ut i nytt opplag, i samarbeid med Rauland Historielag. Dette vil vi sjølvsagt også markere denne ettermiddagen på Svalastoga og Alf Seltveit vil fortelje om boka.