Over 70 publikum tok turen tysdag 21. oktober for å sjå filmen Vi reiser eit samfunnshus og høyre meir om forsamlingshus på Rauland, frå det fyrste ungdommshuset på starten av 1900 -talet til Raulandshuset som blei bygd på 1950 -talet.
I tillegg til visning av filmen, som båder syner arbeidet og alle raulenningane som var med på arbeidet, fortalte Birger Kjelingtveit om historia til forsamlingshus på Rauland som er eit av mange lokalhistoriske tema han har jobba med. Publikum fekk sjå mange bilete han har funne fram til i arbeidet sitt, og som vanlig leverte Birger ei god forteljing.
