Sommarkonsert med Lars Erik Øygarden på Telemarkstunet

Lars Erik Øygarden er fødd og oppvakse på Rauland og har spela hardingfele sidan barndomen. Lars Erik har spela på kappleikar aktivt dei siste 10-15 åra og rykka i 2015 opp til A-klassa i hardingfele på landskappleiken. Mykje bruka som dansespelemann og kurslærar, men har også spela ein del konsertar.
Lars Erik er oppteken av å spela slåttemateriale og slåtteformer som ikkje er så mykje i bruk, og har særleg fordjupa seg i tradisjon etter Høye Kvåle frå Seljord. Forteljing kring slåttane er ein naturleg del av framføringa, så det vert historier og soger, både sanne og usanne, på konserten.