Er du interessert i lokalhistorisk fagstoff frå Rauland, Øyfjell og Møsstrond? Vi har laga ei oversikt over stader du finn kjeldemateriale og spennande fagstoff frå området. Trykk på lenkene i oransje for å kome til den aktuelle sida.

Historielaget sin fotodatabase

Rauland Historielag har digitalisert mange gamle fotografi frå området.

Du finn både fotografi med informasjon og utan informasjon

Arkiv

•  Lokalhistorisk arkiv - Vinje finn du i Grotten på Raulandsakademie. Her finn du bygdebøker, lokalhistorisk litteratur, foto og anna arkivmateriale.
• Digitalarkivet: Arkivverket sin digitale publiseringskanal. Her finn du mellom anna folketeljingar, kyrkjebøker, skifteprotokollar, tinglysingsdokument med meir. (Ver merksam på at arkivmateriale kan ha klausular  som gjeld tid, innhald og liknande)
• Arkivverket: Riksarkivet, åtte statsarkiv, Samisk arkiv og helsearkivet. Her finn du praktisk informasjon om korleis du kan bruke arkivet, og kontaktinformasjon.
• Samla - Digitalisering av norske tradisjonsarkiv: Digitaliserte tradisjons- og kulturhistoriske arkiv (Norsk folkeminnesamling, Etno- folkloristisk arkiv og Norsk etnologisk gransking). Kjeldemateriale frå heile landet, også frå Raulandsområdet.

Museum

Vest Telemark Museum  er eit konsilidert museum med tilsaman 11 museumseiningar i Vest Telemark. Fleire av einigane er i Rauland og Vinje.

På Digitalt Museum har du tilgang til ei oversikt av musea sine samlingar, med informasjon som er registrert. Dette kan vera gjenstandar, fotografi og bygg. Det er høve til å søke på gjenstandskategori, geografi, tidsperiode med meir.

Det er ulit frå museum til museum kor stor del av samlinga som vil vera tilgjengelig på Digitalt Museum.

Her er nokre Digitalt Museumssider som du kan finne aktuelt materiale frå området på:

• Vest Telemark Museum
• Telemark Museum
• Norsk Folkemuseum
• Norsk Industrarbeidermuseum

Bibliotek og anna

• Nasjonalbiblioteket sitt nettbibliotek har  mykje historisk trykt materiale digitalisert og tilgjengelig (bygdebøker, årsskrift, fagtidsskrift, aviser mm). Du har også høve til å søke om tilgang til materiale det er restriksjonar på i opningstida.
• Norsk slektshistorisk forening har laga ei oversikt over bygdebøker og andre lokalhistoriske utgjevingar frå Telemark og Vinje.
• Lokalhistoriewiki er drive av Norsk lokahistorisk institutt og har mange mindre og lengre artiklar med lokalhistorisk materiale.
• Kultminnesøk er ei digital oversikt over registrerte kulturminne og kulturmiljø frå steinalder og fram til i dag.