Temakveld med Kjell Bitustøyl: Glimt frå tida då straumen kom til Møsstrond og litt til

Tysdag 20. oktober inviterer vi til temakveld medallsidige Kjell Bitustøyl.

I 2015 kom boka om Kraftlaget i Rauland, til 75-års jubileet. Forfattar var Kjell Bitustøyl. Han har sterke band til Møsstrond over lang tid og har vore innom diverse prosjekt. Fyrst av alt, han kom tidleg til Argehovd avdi bestemor hans, Gunhild Lauvås, g. Bitustøyl, var halvsyster til Åsmund Argehovd, som busette seg på Argehovd like før andre verdskrigen. Mannen hennar, Olav Bitustøyl, bestefar til Kjell, var tømmermann og var mykje på Møsstrond han òg. Han bygde kyrkja i 1923 og sette opp fleire hus på Møsstrond.

Familien til Kjell drog ofte til Argehovd, både i påskene og om somrane. I ungdomen var Kjell bl.a. hyttevakt på Lågaros turisthytte, og i godt vaksen alder dreiv han med SEFRAK-registrering på Møsstrond for Vinje kommune. Vidare har han skrive bok om tamreindrifta på Hardangervidda, inkludert Møsstrond. Han har òg samla inn folkemusikk på Møsstrond og gjort diverse intervju med møsstrendingar over tid. Med denne allsidige bakgrunnen vil han med tidsbolken litt før og etter straumen kom til Møsstrond som ramme, hente fram einskilde glimt frå boka, litt òg frå Rauland, supplert med andre historier frå Møsstrond. Særleg er det ei kjelde han vil lyfte fram, Jon Hove, som har fortalt mykje frå eit langt liv gjennom ei stor brytningstid for denne fjellbygda.

Høve til kommentarar og spørsmål.

Me avsluttar programmet med kaffi, kake og tid til røur.

Pris

Medlem:150 kroner,
Ikkje-medlemmer 200 kroner.