USN Rauland får besøk av internasjonale studentar som skal delta på eit intensivt vekeskurs i norsk folkemusikk og -dans som ein del TUNE-prosjektet. Det blir òg sjanse til å høyre folkemusikk frå rundt om i Europa når dei held gratis konsert i Vinjesalen på fredag 21. mars. På denne konserten blir det høve til å høyre dyktige folkemusikkstudentar og -lærarar frå University of Tartu Viljandi Culture Academy (Estland), Estonian Academy of Music and Theatre (Estland), pôle Aliénor (Frankrike), Conservatorio Statale di Musica “P.I. Tchaikovsky” (Italia) og Conservatorio Superior de Música de Vigo (Spania), samt studentar og lærarar frå folkemusikkstudiet ved USN campus Rauland.
Gratis inngang
Etter konserten fredag blir det dansespel og pub i Vinjesalen.
Foto: Ako Lehemets
