Har du ein poet i magen og ein kjærleik for Rauland? Då har du no ein gyllen høve til å setje ditt eige preg på noko som vil bli ein del av vår lokale kultur! Visit Rauland og Vinje Bryggeri går saman om å lage eit heilt nytt øl, spesielt for og av Rauland. Det er eit lyst og friskt øl me kallar for «Raulendingen», og me ynskjer DITT bidrag til å pryde etiketten!
Korleis delta
Skriv eit dikt som handlar om bygda vår, Rauland, eller sjølve «Raulendingen». Lat ditt kreative geni flyte fritt! Det er ingen avgrensingar på lengd eller form – så lenge det kan passe på ei øl-etikett (75 ord).
Det beste diktet blir vald av ein jury og kjem til å bli trykt på etiketten av «Raulendingen» ølet. Dette er din sjanse til å bli ein del av Rauland-historia!
Premiar
Vinnaren vil:
- Få sitt dikt trykt på etiketten av «Raulendingen»
- Motta ein gavepakke frå Visit Rauland og Rauland Skisenter
- Bli feira som ein lokal helt!
Send oss ditt bidrag til [email protected] innan 1. oktober 2023.
Så ta pennen fatt og la oss få høyre di røyst. Me gler oss til å lesa ditt bidrag!
