- Dyre Vaa-samlingane Rauland 22.-24. november 2019
- Opningsprogram fredag 22. november kl. 19.00
- Utstilling open laurdag 23. nov. 11-17 og sundag 24. nov. 11-18
I samband med hundreårsminne for Miling Svalastog, blir det skipa til ei utstilling på Dyre Vaa-samlingane i Rauland 22-24 november 2019. Det blir opning av utstillinga fredag kveld.
Overgangen var nok stor for trondheimsjenta Miling Jenssen, som kom til Rauland i 1943, og busette seg på Bøen i Austbø. Der dreiv ho gardsbruk saman med mannen, Bjørn Svalastog. Ho var biletkunstnar med veving med garn og filler som spesialitet. Ho var òg eit typisk organisasjonsmenneske, med ynskje om aktivitetar som samla bygdesamfunnet. Ho var ikkje med på så mange utstillingar, men vov mykje på oppdrag frå bedrifter og privatpersonar. Miling Svalastog fikk i 1990 Statsstipend for eldre fortjente mkunstnarar. Ho fekk Vinje kommunes kulturpris 1990 og kunstnarløn frå kommunen. Ved sida av fleire reisestipend, hadde ho Statens garantiinntekt for kunstnarar, frå dei starta til ho var 67 år.
Laurdag 23. nov. blir det lansering av årsskriftet for Rauland historielag på same stad. Ein av artiklane i årsskriftet, som blir presentert, er om Miling Svalastog, og livet hennar.
Utstillinga er laga av privatpersonar i samarbeid med Miling sin familie, og Vest-Telemark museum.
Vel møtt til ei triveleg helg, blant Miling sine teppe!
På vegne av initiativtakarane; Ingrid Skjøtskift
