Hjem > Aktør > Raulandsfjell > Aktuelt > BYTING til Raulandsfjell


Velkommen til Raulandsfjell !


BYTING til Raulandsfjell

Tirsdag 26. desember spiller BYTING på Raulandsfjell. Forhåndsalg på www.ticketco.no,  20års aldersgrense 

Billettpris forhåndssalg 350,-  (400,- i døra)

Byting er eit folk-rockband frå Telemark som sidan oppstarten i mars 2013 har opparbeidd seg ei solid fanskare rundt om i det ganske land.

Alle låtane Byting spelar er sjølvskrivne og handlar om livets realitetar på godt og vondt. Desse trefte tidleg ei nerve i eit vidt publikum og fekk slik raskt eit stort nedslagsfelt.

Låtmaterialet er basera på ekta, sjølvopplevde eller gjenfortalde historier, og blir sunge på klingande bøheringdialekt, akkompagnert av kraftig el-gitar og urnorsk hardingfele – noko som i seg sjølv er ein sjeldan kombinasjon, og slik set eit heilt eige stempel på musikken.

Heilt sidan oppstarten har Byting hatt ein svært travel kalender med spelejobbar over heile landet. Debutalbumet «Byting» blei sleppt i 2015 og allereie i 2016 var den talentfulle gjengen klare med oppfølgjaren ”Livets galleri”.

Fyrstealbumet var inne på VG-lista i to månadar. ”Livets galleri” blei m.a. meldt i Under Lupen i Norsk på norsk på NRK P1, med terningkast 5. Her sa Finn Ulrik Berntsen m.a.: ”En skikkelig fin og gjennomført plate som fortjener et stort publikum”.

Våren 2016 var Byting medverkande i den nye dokusåpa ”Norske Rednecks” som blei sendt på tv-kanalen MAX. Byting produserte musikken til serien og vokalist og låtskrivar Thomas Hellekås var den syngande forteljarstemma gjennom heile sesongen. Men bandets medlemmar hadde òg synlege roller i serien. Særleg var Thomas saman med gitaristen Svein Eivind gjennomgangsfigurar heile serien igjennom.

Namnet Byting, for dei som måtte lure på det, kjem av gamal overtru om at om du fekk ein unge med tydlege lyter så var det huldrefolket som hadde bytta ut den ekte ungen med sin eigen. I dag blir uttrykket ofte bruka om ein person som kan vera noko utagerande, skruppellaus og vill.

Bandet jobbar nå med sitt tredje album og ein forsmak på dette vil koma i løpet av sommaren 2017, da bandet slepp eit par nye singelar.

Byting fortset samtidig med å turnere landet rundt for å dele den gode musikken og den glade stemninga. Eit av høgdepunkta for bandet i år er å få lov til å spela på hovudscena fredag under Countryfestivalen i Seljord i slutten av juli.

Byting består av: Thomas Hellekås (vokal/gitar), Per Anders Buen Garnås (hardingfele), Svein Eivind Mo Haugan (gitar), Marius Skjelbred (bass), Geir Ormøy (trommer).

Bestill billetter her

26. desember 2017

man tir ons tor fre lør søn
   V          


Dette nettstedet bruker informasjonskapsler. Les mer om informasjonskapsler her. Ikke vis denne meldingen igjen.